किती सामर्थ्य धन्य प्रभु तुला रे | Kiti Samarthya Dhanya Prabhu Tula Re Lyrics Marathi

किती सामर्थ्य धन्य प्रभु तुला रे

किती सामर्थ्य धन्य प्रभु तुला रे!
मोठे नवल वाटते मला रे ||ध्रु||

येशु काना गावी गेला
मरिया होती त्या लग्नाला
द्राक्षरस तो संपला
त्याने पाण्याचा द्राक्षरस केला रे |१|

अडतीस वर्षाचा आजारी
पडला होता खाटेवरी
त्याला शक्ती नव्हती खरी
खाट उचलून चाल बोलला रे |२|

एक जन्मांध भिकारी
बसला होता वाटेवरी
त्याला दृष्टी नव्हती खरी
चिखल लावूनी त्याला दृष्टी दिली रे |३|

येशु राना मध्ये गेला
लोक होते त्या ठायाला
उपदेश ऐकायला
पाच भाकरी पाच हजाराला रे |४|

केलेले चमत्कार फार
गरिबांवर उपकार
प्राण दिला खांबावर
तारण करूनी स्वर्गात तो गेला रे |५|